Malbatên berxwedêrên greva birçîbûnê ya Strasboûrgê Agît Ûral, Mûstafa Sarikaya, Mûstafa Tûzak û Hevserokê KCDK-E Yuksel Koç beşdarî çalakiya nobedê ya li pêşiya avahiya serokwezîrtiyê bûn.

Saziyên Kurd ên li Berlînê jî piştgirî dan çalakiyê û malbatan dosyayekî têkildarî daxwazên grevên birçîbûnê radestî serokwezîrtiyê kirin.

Di çalakiyê de pankart û wêneyên çalakgerên grevê birçîbûnê hatin hildan û bê navber dirûşmeyên “Ji Ocalan re azadî” , “Jin jiyan azadî” , “Bijî Leyla Guven” û “Bijî piştevaniya şoreşgerî” berz kirin.

Çalakiya nobedê ew ê 3 rojan bidome û kon hate vedan. Çalakî wê roja Pêncşemê di navbera saet 13.00’an û 17.00’an û roja 8’ê Adarê Înê bi çalakiya 8’ê Adarê Roja Jinên Kedkar ên Cîhanê bi dawî bibe.

Di çalakiyê de li ser navê malbatan daxuyanî hate dayîn û wiha hate gotin; “Daxwazên berxwedêrên greva birçîbûnê yên li dora Leyla Guven daxwazên mafdar û bi nirx e û daxwazên bi mîlyonan kesî ne. Bi moraleke bilind em xwedî li daxwazên  wan derdikevin.” Di daxuyaniyê de banga mudaxeleya lezgîn li Elmanya, welatên Yekîtiya Ewropa, Konseya Ewropa û saziyên eleqedar hate kirin.