BERLÎN

Li Berlînê bi pêşengiya Meclîsa Jinan a DEST DAN’ê li pêşiya Brandenbûrger Tor Parîser Platzê bi armanca piştgirîdayîna Leyla Guven, grevên birçîbûnê û ji bo protestokirina tecrîdê çalakî hate kirin.

Di çalakiyê de pankarta “Leyla Guven ji bo Abdulla Ocalan 79 roj e di greva birçîbûnê de ye” hate hildan. Çalakî saet 14:00’an bi deqîqeyek rêzgirtinê destpê kir û piştre Hevserokê NAVDEM’ê yê Berlînê Yeko Ardil, Hevseroka NAVDM Melek Yûla, li ser navê Meclîsa Jina Êzidî BerlÎn EDESSA Nûre Alkiş, li ser navê Partiya Komunîst a Kursitanê (PKK) Encer Şen û li ser navê Çepa Kesk Sencer Eren axivîn.

Qisekeran tecrîda li ser Ocalan şermezar kirin û berxwedana Leyla Guven silav kirin.

Li Berlînsê sibê (Şemî) saet 15:00’an li Bernaûer Str wê meşek mezin were lidarxisitn.

HAGEN

Lİ bajarê Elmanya Hagenê ji bo piştgirîdayîna çalakgerên grevên birçîbûnê û protesto kirina tecrîdê meş û mîtîngek hate lidarxistin.

BASSEL

Bi heman armancê li bajarê Swîsre Baselê jî çalakiyek hate lidarxtin. Çalakî bi pêşengiya Meclîsa Jinan a Ronahî ya Baselê li herêma Barfusserplatzê pêk hat. Di çalakiyê de pankarta “Parlamenterek li dijî tecrîda li ser Ocalan di greva birçîbûnê de ye’ hate hildan.

Wê sibê (Şemiyê’ li gelek navendan KurdistanÎ û dostên wan ji bo piştgirîdayîna berxwedêrên grevên birçîbûnê dakevin qadan û çalakiyan lidarbixin.

Bernameya çalakiyan wiha ye;

Cenevre: Bel Air Cite Saet: 15.00

Basel: Claraplatz Saet: 15.0

St. Gallen: Bahnhof SBB Saet: 16.00

Aarau: Bahnhof SBB Saet: 17.00

Bern: Bundeshausplatz Saet: 14.00

Zûrîh: Hauptbahnhof Saet: 15.00

BRUKSEL

Li paytexta Belçîka Brukselê li qada Chûman ku saziyên Ewropa lê ye çalakiyek hate lidarxistin. Di çalakiyê de wêneyên Ocalan û Leyla Guven, pankart û dovîzên protesto kirina tecrîdê hate hildan. Çalakgeran bang li saziyên Ewropa kir û daxwaz kirin ku li dijî rejîma Erdogan bikeve nava tevgerê.