ZURÎH

Ciwanên Kurdan û dostên wan li îstasyona trenê ya navendî hatin ba hev û êrîşên dewleta Tirk a dagirker protesto kirin. Girse piştre ber bi balefirgeha Zurîhê ve meşiya.

Ciwanan li vê derê jî çalakiya bêîtaetiya sivîl li dar xist û sloganên ‘Bijî berxwedana Rojava’, ‘Her der Rojava, her der berxwedan’ berz dikin.

BASEL

Bi sedan Kurdistanî û dostên wan ber bi Parlementoya Kantona Baselê ve meşiyan. Di meşê de sloganên ‘Erdoganê terorîst’ û ‘Li hemberî qetlîamê bêdeng nemîne’ hate berzkirin.

LOZAN/BERN

Saet di 20.00’an de Kurdistanî û dostên wan li pêşiya îstasyona trênê ya li Lozan û Bernê dest bi çalakiyê kirin û bi sloganan êrîşên dewleta Tirk a dagirker protesto dikin.

Li bajarên din jî Kurd xwe amade dikin ku dest bi çalakiyan bikin.