Li paytexta Fînlandiya Helsînkî û Turkuyê têkîldarî tecrîda li ser Rêberê Gelê Kurd Abdullah Ocalan û êrîşên li ser gelê Kurd panel hatin lidarxistin. Di panelan de ku ji aliyê Pirtûkxaneya Rosebud a Tora Piştevaniyê ya bi Kurdistanê re a Helsînkî û Kolektîfa Xaça Reş a Anarşîst a li Turkuyê ve hatin lidarxistin, hate destnîşankirin ku tecrîda Îmraliyê nayê qebûlkirin.

Li Helsînkiyê ji rêxistinên parêzeran OHD û MAF-DAD Rengîn Ergul têkîldarî rewşa hiqûqî ya Rêberê Gelê Kurd Abdullah Ocalan û rewşa tecrîdê agahî da. Her wiha ji Akademiya Modernîteya Demokratîk Martî Odena jî anî ziman ku rewşa Rêberê Gelê Kurd Abdullah Ocalan ji rewşa giştî ya gelê Kurd û ji polîtîkayên îmhayê û şirîkatiya sûc a hêzên navneteweyî ne cuda ye.

Nûnerên rêxistinên çep a Finlandiyayê jî tevlî nîqaşan bûn.