Piştî bihîstina komkujiyê Kurdistaniyên li Qada Sergel a Stockholm kom bûn, bi dirûşmên “Qatil Erdogan”, “Terorîst Turkiye” bertek nîşanî AKP’ê û Erdogan dan. Kurdistanî di mîtîngê de bi hoparloran komkujiya li Enqereyê ji raya giştî re radigihînin û dixwazin li hember dewleta Tirk helwest bigirin.

Hevseroka Navenda Civaka Demokratîk a Kurd a Swêd Leyla Dûman, got ku berpirsyarê êrîşa li hember mîtînga aştiyê ya li Enqereyê Serokkomarê Tirk Erdogan ê pêvajoya aştiyê ya Rêberê Gelê Kurd Abdullah Ocalan da destpêkirin bi dawî kir û hikûmeta AKP’ê ye.

Dûman anî ziman ku AKP ji bo ji nû ve bibe desthilatdar li hember gelê Kurd şer îlan kiriye û bang li tevayî raya giştî ya demokratîk kir ku li hember komkujiyên li Tirkiyeyê helwest nîşan bidin.

Dûman bang li Kurdistaniyên li  Stockholm û derdora wê dijîn kir ku werin Qada Sergel û dewleta Tirk protesto bikin.