Ji bo sê jinên Kurd ên şoreşger ên li Parîsê hatibûn qetilkirin, li pêşiya Serkonsolosiya Fransa edalet hat xwestin.

Li bajarê Dusseldorf ê Elmanya ji bo sê jinên Kurd ên şoreşger Sakîne Cansiz, Fîdan Dogan û Leyla Şaylemez, çalakiya edaletê hat lidarxistin.

Çalakiya ku di pêşengiya Buroya Aştiye ya Jinan CENÎ, Tevgera Jinên Dusseldorf TJK-E û Navenda Civaka Kurd a Demokratîk a Dusseldorf de pêk hat, Navenda Civaka Demokratîk a Bîlefelt jî cihê xwe tê de girt.

'BÊDENG NEMÎNE!'

Di çalakiyê de posterên Cansiz, Fîdan û Şaylemez û pankarta “Em ji bîr nakin, nadin jibîrkirin” hate rakirin. Çalakiya ku belavokên Elmanî hatin belavkirin de bang li Fransayê hate kirin ku bila li hember înfazan bêdeng nemîne.