YPG’ê nasnameya 8 şehîdên ‘Berxwedana Kobanê’ eşkere kir
Navenda Ragihandinê ya YPG’ê nasnameya 8 şehîdên ‘Berxwedana Kobanê’ ya Cotmeha 2014’an eşkere kir.
Navenda Ragihandinê ya YPG’ê nasnameya 8 şehîdên ‘Berxwedana Kobanê’ ya Cotmeha 2014’an eşkere kir.
Navenda Ragihandinê ya Yekîneyên Parastina Gel (YPG) bi daxuyaniyeke nivîskî nasnameya 8 şehîdên ‘Berxwedana Kobanê’ ya Cotmeha 2014’an eşkere kir. YPG’ê sersaxî ji malbatên şehîd û gelê Kurd re xwest.
YPG’ê têkildarî şehîdan ev agahî parve kir;
“Gelê me ji dîrokê heya niha li hember her cûre êrîş û dagirkeriya dijmin a li hember axê Kurdistanê re bi seknekî berxwedêr a bi pênaseya azadiyê re bûye yek bersiv daye. Li hember hemû êrîşên ku sedema hebûna wan ji holê rakin gelê me jî hêj zêdetir bi yekbûyinek rihê berxwedanek hevpar ava kirine. Ji bo wê di serî de ji bo parastina nirxên xwe yên çandî re şerê hebûn û tûnebûnê dane meşandin. Yek ji wan şerê hebûn û tûnebûnê jî di sala 2014’an de li hember hewldana dagirkeriya çeteyên DAÎŞ’ê a li Kobanê ku ketiye qada dîrokê hate kirin. Keç û xortên herî xweşik yên Kurdistanê jî bi girêdanbûna welatparêzî û azadiyê ve ku xwe bexşandine gelê xwe tevlî şerê berxwedanê a Kobanê ku bi mehan berdewam kir bûn û ispat kirin ku dijmin tû caran nagihêje armanca xwe. Di meha Cotmehê ku mehekî herî zêde berxwedanî hatibû meşandin de me 8 hevalê xwe şehîd dabû. Rêhevalên me Bêdeng, Bêrîtan Botan, Bêrîtan Besta, Botan, Brusk, Cudî, Ruken û Xweza ku ji çar parçeyên Kurdistanê hatibûn di şerê berxwedana Kobanê de bi berxwedaniya ku dan nîşandan têkoşîna me ya azadiyê ku em didin meşandin nîşanî herkesî dane. Ev sekna mîlîtanî bûye sedem ku şoreşa Rojava li hemû cîhanê de deng vedaye.
Ji ber sedema şert û mercên şerê ku çêbûne nasnameya rêhevalên me dereng mabe jî hatiye eşkerekirin. Em nasnameya van hevalên xwe di vê pêvajoyê de îlan dikin. Nasnameya rêhevalên me yên şehîd wiha ne;
Nasnav: Bêdeng Çewlîg
Nav û Paşnav: Oktay Gûrdegir
Navê Dayikê: Xatun
Navê Bav: Zekî
Cihê Ji Dayikbûnê: Çewlîg
Cih û Demê Şehadetê: Kobanê / 23’ê Cotmeha 2014’an
***
Nasnav: Bêrîtan Botan
Nav û Paşnav: Ayşe Sayin
Navê Dayikê: Sabîha
Navê Bav: Şemsedîn
Cihê Ji Dayikbûnê: Mersîn
Cih û Demê Şehadetê: Kobanê / 9-10 Cotmeha 2014’an
***
Nasnav: Bêrîtan Besta
Nav û Paşnav: Qadriye Koluman
Navê Dayikê: Xanim
Navê Bav: Îdrîs
Cihê Ji Dayikbûnê: Şirnex
Cih û Demê Şehadetê: Kobanê / 9-10 Cotmeha 2014’an
***
Nasnav: Botan Farqîn
Nav û Paşnav: Cûneyt Kiliçdogan
Navê Dayikê: Xedîce
Navê Bav: Kemal
Cihê Ji Dayikbûnê: Amed
Cih û Demê Şehadetê: Kobanê / Cotmeha 2014’an
***
Nasnav: Brusk Tolhildan
Nav û Paşnav: Omer Ertan
Navê Dayikê: Maşallah
Navê Bav: Necmedîn
Cihê Ji Dayikbûnê: Amed
Cih û Demê Şehadetê: Kobanê / 1’ê Cotmeha 2014’an
***
Nasnav: Cudî Amed
Nav û Paşnav: Mehmet Ozmen
Navê Dayikê: Halîme
Navê Bav: Tahir
Cihê Ji Dayikbûnê: Şirnex
Cih û Demê Şehadetê: Kobanê / 10’ê Cotmeha 2014’an
***
Nasnav: Ruken Sîpan
Nav û Paşnav: Qudret Rasîkî
Navê Dayikê: Xatun
Navê Bav: Kadil
Cihê Ji Dayikbûnê: Makû
Cih û Demê Şehadetê: Kobanê / Cotmeha 2014’an
***
Nasnav: Xweza Hasret
Nav û Paşnav: Leyla Çoban
Navê Dayikê: Berîvan
Navê Bav: Abdulhafiz
Cihê Ji Dayikbûnê: Sêrt
Cih û Demê Şehadetê: Kobanê / 11’ê Cotmeha 2014’an
Em 8 rêhevalên xwe yên ku di têkoşîna azadiyê de şehîd bûne bi rêzdarî û minnetî bibîr tînin. Soza şehîdên me a serkeftinê ku ji bo me şopdaran dane em dewir digirin û em soza hê bi serkeftinî û bi biryardariyek mezin ve meşandinê dûbare dikin.”