WHO roja Sêşem û Çarşemê pisporên zanista vîrûsê yên tevahî cîhanê di konferansekê de li hev civand. Tevahî du rojan li ser têkoşîna bi vîrûsê re nirxandin hatin kirin.

Şefê beşa tenduristiyê ya lezgîn a WOH’yê Mîcael Ryan di daxuyaniya çapemeniyê de dayî got: “Bi vê yekê bawerim ku ji pêşbîniyeke têkildarî destpêk, navîn û dawîanîna vê vîrûsê re hê pir zû ye.”

Şefê WOH’yê Tedros Adhanom Ghebreyesûs jî diyar kir ku di nava hefteyê de li Çînê di hejmara bûyerên nû de hevsengiyek heye û got: “Divê ev yek bi dîqet bê nirxandin.”

Serokkomarê Çînê Şî Cînpîng di daxuyaniya xwe ya duh de gotibû: “vegereke baş e’ pêk hatiye û tevî mirina hezar kesî jî hejmara bûyerên di sê rojên dawî de kêmbûne. Cînpîng destnîşan kir ku li gel vê divê mirov nekeve xefletekê jî.