Nîma formayên 800 tîmên futbolê yên ji bajarên cuda yên cîhanê li gelek bajarên Swêdê nîşan dide. Vê gera Nîma cihekî berfireh di medya nivîskî û dîtbarî de girt.

Nûçeyên Çandê yên Televîzyona Dewletê ya Swêdê pêr cihekî berfireh da gera Nîma. Nîma di hevpeyvîna xwe de rahişt forma Kesk-Sor û Zer ê Amedsporê û got, "Ev forma yê Amedsporê ye. Ji ber ku bi rengên Kurdan dilîze û bi ser dikeve, astengiyeke mezin derdikeve pêşiya vî tîmî. Ne tenê Federasyona Futbolê, rejîm û gelemperiya Tirkiye li dij derket."

Nîma meha bihurî bi lîstikvanê berê yê Amedsporê Denîz Nakî re di Kûpa Mezopotamyayê de axivî bû û piştre gotarek li ser astengî û êrîşên li ser Amedspor û Nakî di rojnameya Aftonbladetê de weşandibû.