Piştî ku meha Tebaxê Elmanek ji aliyê kesekî ji Sûriyeyê ve hate kuştin, bi vê bahaneyê gelek xwepêşandanên nîjadperestî hatin kirin. Ji ber helwesta qels a Rêxistina Parastina Destûra Bingehîn ku ji îstîxbarata navxweyî berpisyar e, van xwepêşandanan baweriya bi hikumetê re kêm kir. Xwepêşandanên nîjadperestî hema hema her roj tên organîzekirin.

Doh li bajarên Chemnîtz û Dortmûndê xwepêşandan hatin lidarxistin û bi hezaran rastgirên tund tevlî bûn. Nîjadperestan êrîş birin ser partiya Dîe Lînke ku bi milyonan dengdêrên xwe hene. Li bajarê Chemnîtzê 2 hezar kes tevlî xwepêşandanê bûn. Di dema xwepêşandanê de camên buroya Dîe Lînke hatin şikandin û nîjadperestan hêk avêtin avahiyê.

Li avahiya ku bû hedefa êrîşê, buroyên gelek parlamenterên Parlamentera Eyaleta Sachsenê hene.

Te gotin ku ji dema destpêkirina xwepêşandanên nîjadperestî û vir ve 15 caran êrîş hatine kirin.