Berdevkê Artêşa Neteweyî ya Lîbyayê Ehmed El Mismarî li ser şandina hêzên paramîlîter ên Tirkiyeyê û şerê li welêt, li Bîngaziyê civîneke çapemeniyê li dar xist.

Fermandarê Artêşa Lîbyayê Ehmed Mismarî di civînekî çapemeniyê de ragihand ku Tirkiyeyê li bajarê Hewlêrê 'pêşmergeyên Roj' perwerde kirine û ji bo li Lîbyayê şer bikin şandine welat.

Mismarî di heman demê de nasnameya 4 'pêşmergeyên Roj' eşkere kir ên ku ji Rojava Kurdistanê ne. Mismarî diyar kir ku ew hêz ji aliyê PDK’ê ve hatine perwerdekirin û bi fermana Tirkiyeyê şandine Lîbyayê da ku li dijî hêzên wan şer bikin.

Ehmed Mismarî di dawiya axaftinên xwe de got ku, "Tirkiye bi dayîna pereyan çekdarên opozîsyona Sûriyeyê û komên nêzîkê xwe dişîne welatê me, lê belê ew pêşmergeyên ku hatine destgîrkirin, bi armanca tunekirina rêveberên artêşa Sûriyeyê, PKK û YPG perwerdeyeke taybet dîtine."