Li gorî çavkaniyên ewlekariyê di 11’ê Kanûnê de kesên çekdar ên li motosikletan siwar bûbûn li bakurê welat hatin dibistanake navendî ya Katsînayê.

Bi sedan xwendekar di nav şerê hêzên ewlekariyê û komê de man û reviyan daristanê. Hinek zarok jî ji aliyê koma çekdar hatin revandin.

Piştî rojekê waliyê eyaletê Amînû Bello Masarî çû serdana qadê û got, “A niha jî artêş li daristanê li dijî çeteyan şer dike. Ji bo zarokên winda werin dîtin, çi ji destê me were, em ê bikin. Li dibistane 839 zarok hebûn û em nikarin agahiyê ji 333 zarokan bistînin.”

Piştî êrîşê hemû dibistanên navîn ên li eyaleta Katsînayê girtî ne. Serokkomar Mûhammadû Bûharî êrîş şermezar kir û soz da ku wê li dibistanan tevdîrên ewlehiyê zêde bibe.

Li bejahiyên navend û bakurê Nîjeryayê ev serê çend salan e çeteyên çekdar bi komên ji sed kesî pêk tên teroreke mezin dikin. Ev çete heywanan didizin û fîdyeyê dixwazin.