Li gorî medya Fransayê, sibeha Înê li marketa bi navê Super U mirov dîl hatin girtin. Li gorî agahiyên destpêkê, kesekî êrîşî polîsekî hêzên taybet kir ku vedigeriya baregehê û polîs ji milê xwe birîndar bû.

DOZGER: ÊRÎŞKAR ENDAMÊ DAÎŞ'Ê YE

Êrîşkar piştre reviya û saet 11:15'an kete marketa Super U. Li marketê jî gelek kes dîl girt.

Walîtiya Aude bi rêya twitterê ragihand ku ketin û derketina vê sektorê hatiye qedexekirin û ji welatiyan xwest ji hêzên ewlekariyê re bibin alîkar.

Dozgeriyê jî diyar kir ku êrîşkar xwe weke endamê DAÎŞ'ê daye naskirin.