Kurdistaniyên li Ewrûpayê dijîn, pîrozbahiya Newrozê didomînin. Kurdistaniyên li derdora bajarê Rocherfort ê Fransayê dijîn bi şevekê Newroz pîroz kirin.

Di pîrozbahiyê de Nevzat Tûnç, Rojhat Amed, Aras Agir û Çetîn Zîlan derketin ser dikê û koma Folklorê ya Zarokên Bordeaûxê jî govend gerandin.

Di pîrozbahiyê de sloganên ‘Bijî berxwedana Efrînê’ û ‘Her der Efrîn e, her der berxwedan e’ hate berzkirin.

HILLEROD

Li bajarê Hillerod ê Danîmarkayê jî resepsiyona Newrozê hate lidarxistin.

Resepsiyon bi rêzgirtinê dest pê kir û têkildarî wate û girîngiya Newrozê axaftin hate kirin.

Di resepsiyonê de koroya zarokan û Ozan Fîgen derketin ser dikê.