Bi banga CDK-S’ê û bi pêşengiya TCŞ û TEKO-JIN’ê  mîtîng li De-Weîtte Parka Bahnoplatzê hate lidarxistin. Gel posterên Rêberê Gelê Kurd Abdullah Ocalan hildan, alayên PKK, YPG û YPJ’ê li qadê daliqandin.

Hevserokê CDK-Swîsreyê Alî Şîmşek û siyasetmedarê Kurd Bûrhan Karadenîz di çalakiyê de axivîn. Di axaftinan de li hemberî êrîşên dagirker ên li her çar parçeyên Kurdistanê banga yekîtiya Kurdan hate kirin û bal kişandin ser tecrîda 21 salan a li ser Rêberê Gelê Kurd Abdullah Ocalan.

Di axaftinan de hate diyarkirin ku azadiya gelên Rojhilata Navîn bi paradîgmaya Ocalan dikare pêk were û hate gotin, “Azadiya Ocalan, azadiya gelan e.”