Hefteya borî parlementerê koalîsyona Bîna Mansûr Bûaycî diyar kiribû ji bo ku hêzên biyan ji Başûrê Kurdistanê û Iraqê derkevin wan zagonek amade kirine.

Beriya ku ev zagon pêşkêşî parlementoyê were kirin, Berpirsê Asaîb Ehlîlhak Koma Haşdî Şabî Kays el-Xezelî diyar kir ku heke DYE bi biryara parlementoyê dernekevin ew ê bi darê zorê wan derxînin.

Kays El-Xezelî ji Assocîated Pressê re axivî û got ku, “Li gorî min ew ê li parlementoyê ji bo derketina hêzên DYE’yê biryarek were dayîn. Heke ew li gorî parlemento û îradeya gelê Iraqê tevnegerin em ê bi darê zorê wan derxînin. Tu wateya vî tiştî tuneye ku bi hezaran leşkerên DYE’yê piştî têkçûna DAÎŞ’ê li Iraqê bimînin.”

Kays El Xezelî diyar kir ku ew ê ji ber mayîna musteşarên leşkerî yên DYE’yê yên hindik jî ew ê dengê xwe nekin.

Di sala 2014’an de di navbera Washîngton û Bexdayê de peymanek hatibû îmzekirin û li gorî vê peymanê li Iraqê nêzî 5 hezar leşkerên DYE hene.