Navenda Ragihandin û Çapemeniyê ya HPG'ê li ser vê çalakiyê ev agahî dabû: Roja 6'ê Îlonê saet di 12:00 de hêzên me li dijî qereqola Guze Kurkê ya li Şirnexê çalakiyek pêk anîn. Çalakî li dijî nuqteyeke leşkerî ya ji 3 giran pêk dihat, hat kirin. Gerîlayên me bi rengekî fedayî ketin çeperan, bi çekên RPG-7 û bombeyan lê dan. Li vir 3 çeper û nîzamiye ketin kontrola gerîlayên me. Her wiha Tank û wesayîta zirxî ya li gir jî hatin derbkirin. Di vê çalakiyê de bi giştî 11 leşker hatin kuştin. Dîsa, 3 MG-3, 1 BKC, 1 HK-33, 2 G3 û 1 bombeavêj hatin desteserkirin, lê ji ber hevalê me yê birîndar hebû, çek li qada çalakiyê hatin rûxandin. Di encama çalakiyê de 5 gerîlayên me jî şehîd bûne. Agahiyên têkîldarî gerîlayên me yên şehîd wê piştre bêne ragihandin."