Li Gossauyê standa 'Rojên diyalogê bi Abdullah Ocalan re' hat vekirin
Di çarçoveya kampanyaya "Rojên diyalogê bi Abdullah Ocalan re" de li festîvala Gossau ya kantona St Gallen a Swîsreyê stand hat vekirin.
Di çarçoveya kampanyaya "Rojên diyalogê bi Abdullah Ocalan re" de li festîvala Gossau ya kantona St Gallen a Swîsreyê stand hat vekirin.
Bi boneya salvegera tevlîbûna bajarê Gossau ya kantona St Gallen festîvala “1200 Jahre Gossau' ya 3 rojan destpê kir. Navenda Civaka Kurd a Demokratîk a St Gallen (CDK-SG) di festîvalê de stand vekir.
Di standê de pirtûkên Rêberê Gelê Kurd Abdullah Ocalan hatin nasandin.
Li festîvalê di çarçoveya kampanyaya nameyên ku Tevgera Jinên Kurd a Ewropayê (TJK-E) li dijî pergala êşkence û qirkirinê ya li Îmraliyê ji Komîteya Pêşîgirtina li Êşkenceyê ya Ewropayê (CPT) re bê şandin daye destpêkirin, îmze hatin berhevkirin û belavok hatin belavkirin.
Ligel standa xwarinê ya ku xwarinên Kurdî hatin pêşkêşkirin, koroya ku di bin banê CDK-SG’ê de xebatên xwe didomîne derket ser dikê û awazên Kurdî gotin.