Hate ragihandin ku li paytexta Iraq Bexdayê di 3 êrîşên cuda yên bombeyî de herî kêm 23 kes mirin, zêdetirî 40 kesî jî birîndar bûn.

Li gor agahiyên ji rayedarên Iraqê, li El Tarimiye û El Şeeb ên li bakurê Bexdayê û li herêma Sadr a li rojhilatê Bexdayê bi giştî 3 teqînên cuda pêk hatin. Di êrîşên bi wesayîtên bombebarkirî û bi bombeyên zindî yên li dijî herêmên Şîiyan de gelek sivîlan jiyana xwe ji dest dan, bi dehan kes jî birîndar bûn.

Êrîş li hember taxên Şîiyan pêk hat û ev di roja ku artêşa Iraqê bi Mîlîsên Şîî (Heşd El-Şehbî) re ket navenda Fellûceyê qewimî. Heta niha ti kesî êrîş negirtiye ser xwe.