Li Rûsyayê amadekariyên ji bo civîna Soçî ku wê di dawiya mehê de bê lidarxistin û bi armanca anîna gel hev ya ‘aliyên’ Sûriyeyê didomin. Netewên Yekbûyî  ragihand ku turên hevdîtinan ku bi Cînevê destpêkirî wê berdewamiya wan li Avûstûryayê were kirin.

Mûzakereyên dibin çavdêriya NY de li paytext Viyanayê wê bê kirin, têkildarî beşdarbûna aliyan agahî nehate dayîn.

Li Rûsyayê  di 29-30’ê Çileyê de li Soçiyê ji bo anîna gel hev ya aliyên Sûriyeyê civînekî di asta bilind de tê lidarxistin. Civîna ku bi navê Kongreya Diyaloga Netewî wê were lidarxistin, ne diyare ku  beşekî girîng yên komên ku welatên Bendavê û Tirkiye piştgirî didin wan,  beşdar bibin yan ne.

Tura 8’an a hevdîtinên Cînevê  ku ji sala 2012’an ve  ji aliyê Netewên Yekbûyî ve tê lidarxistin bê encam mabûn. Di van hevdîtinan de nevexwendina Kurdan ku ji ber zextên dewleta Tirk, weke sedemê serneketinê tê nîşandan.