Welatiyên Kantona Kobanê cenazeyê şervanê YPG’ê Elî Dawud (Agirî Zagros) û şervana YPJ’ê Royal Elî (Awaz Ferman) ên ku di Pêngava Xezeba Firatê de jiyana xwe ji dest dabûn, li Goristan Şehîd Dîcle veşartin.
Bi sedan welatiyên Kantona Kobanê, Endamên Saziyên Sivîl û nûnerên Rêveberiya Xweser cenazeyên şervanê YPG′ê Elî Dawûd (Agirî Zagros) û şervana YPJ′ê Rolya Elî (Awaz Ferman) ên ku di Qonaxa 4′emîn a Pêngava Xezeba Firatê de şehîd bibûn, ji nexweşxaneya Şehîd Zozan wergirtin û ber bi Goristana Şehîd Dicle ve ketin rê.
Li goristanê merasîm bi deqeyek rêzgirtina leşkerî ve destpê kir. Piştre Fermandara YPG/YPJ′ê Yasmîn Kobanê axivî, sersaxî ji malbatên cangoriyan re xwest û got: ″Em bi şehîdên xwe serbilind in, ji ber ku wan ji bo avakirina civakeke azad li ser esasê jiyana hevbeş û biratiya gelan, canê xwe feda kirin.″
Endama Kongreya Star Xalîse Hac Ebdulqadir jî sersaxî ji malbatên têkoşeran re xwest û soza şopandina rêya wan da.
Di dawiya merasîmê de nasnameyên her du cangoriyan hatin xwendin, radestî malbatên wan hatin kirin.
Cenazeyê şervanan bi dirûşiman ve hatin veşartin.
