Li bajarê Soçî yê Federasyona Rûsyayê, ji bo şermezarkirina tecrîda li ser Rêberê Gelê Kurd Abdullah Ocalan civînek hate lidarxistin. Civîn ji aliyê Otonomiya Çanda Kurd a Soçî ve hate organîzekirin û li salona konferansê ya Bîznes Sentr Park Otelê pêk hat.

Piştî deqeyeke rêzgirtinê, siyasetmedarê Kurd Adil Cotkar axivî û got, "Gelê Kurd ji bo azadiya Rêberê xwe li çar aliyên cîhanê rabûye ser piyan. Ji rakirina tecrîdê wêdetir ji bo azadiya Ocalan li ser piyan e. Hikumeta AKP'ê ya faşîst û hevkarên wê, ji bo vîna gelê Kurd bişikîne Ocalan dîl digire. Hêza gel wê pêkanînên ji holê rake."

Di civînê de beşdaran jî nêrîna xwe anî ziman û tecrîd şermezar kirin.