Qurbaniyên komkujiya 10'ê Cotmeha 2015'an ku ji aliyê DAÎŞ'ê ve hate kirin di meha 111'an de hatin bîranîn. Bi vê armancê li pêşiya Gar a Enqereyê bi pêşengiya Komeleya Aştiyê ya 10'ê Cotmehê mîtîngek hate lidarxistin. Gelek kes tev li bûn. Kesên beşdarî bîranînê bûn dirûşmên “10’ê Cotmehê ji bîr neke, nede jibîrkirin” û “Na ji şer re, aştî a niha” berz kirin.

Hevseroka Komeleya Aştiyê ya 10’ê Cotmehê Mehtap Sakîncî di bîranînê de axivî û wiha got: “Belê, bi ser komkujiyê re 111 meh derbas bûn û di darizandinên vê pêvajoyê de bi tu awayî daxwaza edaletê nehat cîbicîkirin. Dê têkoşîna me ya edaletê bidome. Em ê bibin neferên vê têkoşîna edaletê. Ji bo em bêhtir destkeftiyan bi dest bixin dê bêhtir hewl bidin. Em ê nehêlin were jibîrkirin û dê her mehê li pêşiya garê bin. Em dîsa li vir in û ev têkoşîn wê tu caran bi dawî nebe.”