Belavkarê rojnameya Ozgurlukçu Demokrasî Hasan Ceyhan, dema ku sibehê li Bayrampaşayê belavkarî dikir polîsan rêya wî birîn û gef lê xwarin. Ceyhan diyar kir, polîsan çav li rojnameyê gerandine û piştre lê zîvîrî ne û jê re gotin, ‘’ji bo çi tu vî karî dike?’’ û bi berdewamî jê re gotine, ‘Vî karî neke, me îro tiştek bi te nekir lê careke dî wê ne wiha be’’ û gef lê xwarine û piştre esnafên ku wî rojname dida wan jî ji vê rewşê bibandor bûne û neçar maye ku karê xwe bide sekinandin. Ceyhan diyar kir xebata wî hatiye astengkirin û gelek esnafan jî bi gotinan ew tacîz kirine û got, ‘’Esnaf got, tu ev çi rojnameye tu belav dikî?’’ Min jî got, ‘’ez Ozgurlukçu Demokrasî ye’’ Wan jî got, ‘’Em azadiya we nas nakin’ û diyar kir ew bi rewşên wiha re hevrû dibin’’

‘’EM SERÊ XWE BERJÊR NAKIN’’

Ceyhan bi berdewamî diyar kir ku ew ê serê xwe ji zextan re berjêr nekin û got, ‘’salên 90’î belavkar dihatin qetilkirin niha jî heman hişmendî li ser kar e û got, ji bo ku em li pey heqîqetan in û gel rast agahdar dikin em dibine hedef. Li gel her cure zext û zordariyê jî em ê karê xwe bidomînin. Em xebatkarên çapemeniya azad in ku li dijî zilmê li ber xwe didin û çeka me ya herî xurt qelema me ye’’