Kurdistaniyê bi navê Mûhlîs K. ku bi îdîaya 'endametiya PKK'ê di Sibata sala 2016'an de hat girtin, di çarçoveya xalên 129a-129b de tê darizandin.

Rûniştina dozê îro saet di 09:45'an de li 6. Dadgeha Ceza ya Bilind a Stûttgartê, li Olgastr. dest pê kir. Mûhlîs K. tê sûcdarkirin ku 'di navbera salên 2013-2015'an de li herêma Başûr a Elmanyayê di asta bilind de rêveber' bû.

Mûhlîs K. bi rengekî kelepçekirî anîn dadgehê û ji aliyê temaşevanên Kurd û Elman ve bi çepikan hat pêşwazîkirin.

Bi rêya tercûman Mûhlîs K bi Kurdî bersiv da pirsan û piştî gilînameyê, bi 30 rûpelan parastina xwe kir. Di gilînameyê de tê îdîakirin, 'di navbera salên 2013-2015'an de li herêma Başûr a Elmanyayê di asta bilind de rêveber' bû.

Rûniştina di dorê de wê roja Pêncşemê pêk were.