Şervanê HPG’yî Recep Karataş (Roj Gabar) ê ku di 7’ê Mijdarê şerê Herêma Avgasora Dersîmê de jiyana xwe ji dest dabû, li Goristana Bucaya Îzmîrê ber bi rêwîtiya dawî ve hate oxirkirin.

MEYADER’a Îzmîrê û gelek nûnerên DBP û HDP,hevserokê navçeyan beşdarê merasîma cenaze bûn.

Cenazeyê Karataş ji aliyê konvoyekî gelek wesayitan ve hate pêşwazîkirin û piştî vecîbên olî hate defirnkirin. Ji bo têkoşerên tevgera azadiyê deqeyek rêzgirtin hate girtin.

Piştî rêzgirtinê Hevserokê bajêr ê HDP’ê Mafuz Guleryuz sersaxî li gelê Kurd re xwast û got: “Divê em xwedî li têkoşîna van berxwedêran derkevin.”

Di piştî merasîmê girse derbasî konê sersaxiyê ku li ber mala şînê hatibû vedan bûn û sersaxî ji malbatê xwestin.