Navenda Pêkanîn û Lêkolînê ya Pirsgirêkên Jinan a Wanê (VAKASUM)  ku girêdayê şaredariya Wanê de diyar kir ku ji sedî 86 jinên serî li wan didin bi zorê hatine zewicandin.

VAKASUM’ê diyar kir ku jinên rastî şîdetê tên û dest ji hevserê xwe berdane, ji ber sedemên pirsgirêkên cih û aboriyê, gelekên wan neçarî hawira şîdetê qebûl dikin û ev jî rê liber travmayên mezin vedike.

VAKASUM’ê der barê xebatên xwe yên serlêdana jinan de daxuyaniyek da. Di daxuyaniyê de wiha te gotin: “Di meha daweî de 21 jinî serî li me da.  Ji bilî navenda wê 4 kesan serî l ime da. Me piştgiriya psîkolojîk, hiqûqî û starbûnê danê. Zewacên bi zorê hêj gelekin. Di serlêdanan de ji sedî 86’ê jinan bi zorê hatine zewicandin.  Çîroka her jinekê li mala bavê wan dest pê dike û li mala hevserê wan kurtir dibe. Pirsgirêka herî mezin jî ya aboriyê ye. Jinên dixwazin dest ji hevserê xwe bedrin, ji ber pirsgirêkên aborî dijîn, neçarî zewacê didomînin û ev jî rê li ber travmayên mezin vedike.

VAKASUM’ê da zanîn ku der barê jinên rastî şîdetê tên de xebatên qadê dimeşînin.