Tûgaya Şehîdên Helebê ya Yekîneyên Parastina Gel (YPG) bi daxuyaniyekê diyar kir ku şervanên wan çalakiya tolhildanê li dijî topbarana taxên Şêxmeqsûd û Eşrefiyê lidarxistiye. Di encamê de endameke hêzên ewlekariya siyasî ya Sûriyê hate kuştin û 11 kes jî dîl girtine.

Tûgaya Şehîdên Helebê îro daxuyaniyeke nivîskî weşand û diyar kir şervanên wan çalakiya tolhildanê li dijî topbarana hêzên rêjîma Sûriyeyê ya duh li ser taxên Şêxmeqsûd û Eşrefiyê pêk anîbû û di encamê  de 6 welatiyên sivîl jiyana xwe ji dest dabûn û 11 kes jî birîndar bibûn, pêkanîne.

Tûgaya Şehîdên Helebê dazanîn ku şervanên wan li xaçe rêya yekê ya Eşrefiyê êrîş li dijî hêzên rêjîmê pêkanîne û di encamê de endameke hêzên ewlekariya siyasî ya rejîmê hatiye kuştin û 11 kes jî dîl girtine.

Herwiha Tûgaya Şehîdên Helebê balkişandin ku, ewê di xeta parastina gel a rewa de bi îsrar dewam bikin. Di dawiya daxuyaniyê de hate ragihandin ku parastina rewa mafê hemû gelan e û ew li ser vî esasê dê gel biparêzin.