Şaxa ÎHD'ê ya Stenbolê, THÎV, TOHAV, Şaxa ÇHD'ê ya Stenbolê û OHD'ê diyar kir ku di berxwedana Parqa Gezî ya 12 rojan de polîsan gelek bi hêz êrîş kirin û di encama êrîşê de 318 kes hatin binçavkirin û sedan kes jî birîndar bûn.

Şaxa ÎHD'ê ya Stenbolê, THÎV, TOHAV, Şaxa ÇHD'ê ya Stenbolê û OHD'ê têkildarî kesên di bûyeran de birîndar bûn, mirin, hatin binçavkirin û binpêkirinên mafên mirovan li pêlekanên Gezî Parqê daxuyanî dan çapemeniyê. Di daxuyaniyê de pankratên "Ji terora polîsan re na" û "Dawî li pêkanînên dewleta polîsan bînin" vekirin û dowîzên şîdeta polîsan vedibêjin danîn ser pêlekanan. Di daxuyaniyan de sloganên "Berxwedan maf e nayê astengkirin" û "Gezî ya gel e dê ji gel re bimîne" hatin berzkirin. Serokê Şaxa ÎHD'ê yê Stenbolê bîlançoya 12 rojan a mudaxeleya polîsan aşkera kir û wiha got: "Bertekên bi talankirina Parqa Gezî li Stenbolê dest pê kirin û pişt re li tavahiya Tirkiyeyê belav bûn. Welatiyan li her alî ji bo azadî û mafên demokratîk derketin holanan. Piştî daxuyaniyên hikûmetê yên derbarê çalakiyan de vegeriyan 'şerê rûmetê' Di vê pêvajoyê de hikûmetê gelek sûc kirin. Piştî 1'ê gulanê bi dehan çalakiyên li Taksîm û Kolana Îstîklalê ji aliyê Waliyê Stenbolê ve hatin astengkirin û li hemberî kesên tevlî çalakiyan bû ava şid, gaza kîmeyvî û copan mudaxele hate kirin."

Efe, diyar kir ku heta berxwedana Parqa Gezî li hemberî çalakiyên li Kolanan Îstîklalê "terora polîsan" pêk hat û bi deha welatî ji ber bombeyên gazê yên polîsan weke çek bi karanîn birîndar bûn. Efe, anî ziman ku bi mudaxeleyan mafê meş û civînan ên li Tirkiyeyê hatin astenkirin û binpêkirin. Efe, da zanîn ku bi vê yekê re azadiya raman jî hate gaspkirin û wiha axivî: "Hêzên ewlehiyê êdî bombeyên gazê ji bo koman belav bikin bikarnaynin. Raste rast welatiyan hedef digirin û bikaranîn. Li gorî qeydên nexweşxaneyê gelek kes ji ber travmaya ser, windaya çav, xwîn ket hûndir, şikestina hestî operasyon derbas kirin."

Efe wiha axaftina xwe berdewam kir: "Di çalakiyan de bi dehan welatiyan çavên xwe winda kirin. Welatiyên travmaya ser derbas dikin hene. Lê hikûmet behsa 'wesayîtên şewetî' û 'paçeyên şikestî' dike. Ev yek riyakarî ye." Efe, bal kişand ser daxuyaniya Wezîrê Karên Hûndir Guler û Waliyê Stenbolê û wiha pê de çû: "Hêj jî rayedarn gotina 'Heke polîs zêde hêz bikaranîbe' bikartînin û ji bo polîs binpêkirinên mafan bikin wêrek dike." Efe, bilêv kir ku di bûyeran de 318 kes hatin binçavkirin, kesên hatin binçavkirin hatin darpkirin û rastî îşkenceyan hatin. Efe, destnîşan kir ku li hemberî jinan ji di bin navê lêgerîna dijwar tacîza zayendî pêk hat û wiha dawî li axaftina xwe anî: "Hikûmetê bi zimanê bikaranîn û terora bikaranîn êdî rewabûna xwe winda kir."

Çalakî bi sloganan bi dawî bû,