Piştî berxwedana dîrokî ya greva birçîbûnê sirgûn û êşkenceya li dijî girtiyan didome.

Ahmet Nas ê ku li Girtîgeha Tîpa T a Hejmar 3 ya Tarsûsê ku di berxwedana greva birçîbûnê de cih digirt bi 3 hevalên xwe re beriya 2 hefteyan sirgûnî Girtîgeha Tîpa L a Turkoglû ya li Mereşê hatin kirin. Dema sirgûnê de êşkence li 4 girtiyan hate kirin û di encamê de çengê girtiyekê hate şikandin û girtiyên din jî hatin derbkirin.

‘ÊŞKENCE LI GIRTÎGEHÊ JÎ DIDOME’

Têkildarî mijarê mamê Ahmet Nas, Mehmet Nas ê li bajarê Heîlbornn a Elmanyayê dijî ev tişt got;

“Piştî greva birçîbûnê sewq û sirgûna girtiyan dest pê kir. Braziyê min Ahmet û 3 hevalên wî dema sirgûnê de êşkence li wan hate kirin. Parêzer û malbat dixwazin hevdîtinê bikin lê destûr nayê dayîn. Li gorî agahiyên me wergirtin li Girtîgeha Tîpa L Turkoglû ya Mereşê jî êşkence li wan tê kirin.”

Mehmet Nas banga bihîstiyarbûnê li raya giştî kir.