Kombûna Civata Zimanê Kurdî, li bajarê Elmanya Berlînê pêk hat. Di kombûnê de, Civata Zimanê Kurdî, li ser termên gramerê rawestiya û digel serastiyên nû, biryar û tewsiyeyên bi giştî bên bikaranîn, hatin standin.

Bi koordînasyona Komisyona Ziman û Perwerdeyê ya KNKê û piştevanîya Platforma Instîtutên Kurdî yên Ewrûpayê [Instituta Kurdî (Zaza) li Berlinê, Instituta Kurdî li Elmanya - Köln, Instituta Kurdî ya Stockholmê, Instituta Ziman û Perwerdeya Kurdî Li Danmarkê, Instituta Kurdî ya Brukselê] û beşdarîya bisporên zimanê Kurdî ”Civata Zimanê Kurdî” kom bû. Di kombûnê de, ji Fransa, Swîs, Elmanya, Swêd û Danmarkê ev bisporên zimanê Kurdî amade bûn.

Di kombûna "Civata Zimanê Kurdî" ya 7-8-9'ê Hezîranê de, li ser pirsgirêkên giştî yên Kurdî û yek bi yek zaravayên Kurdî, xebatên zanistî hatin kirin. 

Civata Zimanê Kurdî, di kombûna xwe de li ser termên gramerê rawestiya û digel sererastiyên nû, biyar û tewsiyeyên bi giştî bên bikaranîn, standin. 
Di kombûnê de biryar hat dayîn ku Civata Zimanê Kurdî ji bo pêdiviyên zimanê Kurdî mîna laboratuwarekê bixebite û dixwaze di bikaranîn û nivîsandina zimanê Kurdî de ji hemû dezgehên neteweyî û welatiyan re, bibe çavkaniya mînakgirtinê.
Di daxuyaniya piştî kombûnê de li ser vê mijarê weha hat gotin; "Tête hêvî kirin ku kes û dezgehên bi zimanê Kurdî ve peywendîdar û hemû welatîyên Kurdistanê ji axivtinê heta hemû kar û xebatên xwe yên zimanî û perwerdeyî, li goreyî encamên Civata Zimanê Kurdî bi cih bînin."

Encamên Civata Zimanê Kurdî dê di Bultena Civata Zimanê Kurdî û malperê da bêne belav kirin.