Hêzên Têkoşîna Yekgirtî (BMG) derbarê 1’ê Gulanê Cejna Karkeran daxuyaniyek weşand.
BMG’ê diyar kir ku wê îsal bi şîara ‘Ji bo ked û azadiya me, her der 1’ê Gulanê her der berxwedan’ 1’ê Gulanê pîroz bikin.
Di daxuyaniya BMG’ê de ev tişt hate diyarkirin:
“Li dijî kapîtalîzm, şer û faşîzm û her cure paşverûtiyê di warê enternasyonal de bi milyonan kes li ber xwe didin û têdikoşin. Li ser esasê vê rastiya civakî û dîrokî 1’ê Gulanê ya ku roja yekîtî, têkoşîn û hevgirtinê ye, careke din derdikeve holê. BMG bi baldariya girîngiya wê ya dîrokî û çînî bi kampanyayeke siyasî ya berfireh û kûr xwe ji 1’ê Gulanê re amade dike.
Bi şîara ‘Ji bo ked û azadiya me, her der 1’ê Gulanê her der berxwedan’ê di 12’ê Nîsanê de dest bi kampanyaya ji bo 1’ê Gulanê hate kirin. Bi hezaran belavok û afîşên wê ji bo kampanyaya 1’ê Gulanê wê bigihêje ber destê kedkar û karkeran. Stenbol di serî de li her qada ku em lê rêxistinkirî ne, li gorî ruhê 1’ê Gulanê wê xebateke siyasî û kampanya were meşandin.
Li dijî helwesta desthilatdariya faşîst a ku dixwaze 1’ê Gulanê qedexe bike, em ê li hemû qadan li gorî cewhera wê 1’ê Gulanê pîroz bikin. Li ser vî esasî em ê tevî rêxistinên kedê, sendîka, hêzên şoreşger û demokratîk tevdigerin. Çîna karkeran di serî de em bang li hemû bindestan dikin ku di 1’ê Gulanê de li dijî kapîtalîzm, mêtingerî û faşîzmê em li hemû qadan alaya sosyalîzmê li ba bikin.”