870 koçber ku piraniya wan zarok, jin, kal û pîr in, vê sibehê derbasî Efrînê bûn. Koçberên ku ji herêmên Şehba û herêmên din ên Sûriyê bûn, ji ber kiryarên çeteyên artêşa Tirk a dagirker û DAIŞ`ê reviyan.

Koçber di deriyê rojhilat ê gundê Qitmê ya navçeya Şera re derbas bûn, ev deriyê sereke yê ku koçber têre derbas dibin.

Koçberên hatine, ji herêmên Şehba (Bab , Ezaz û Soran ), Dêrhafir û Meskenê, her wiha ji Reqqayê, Dêrezor , Tebqa, Tedmor û Bokemal bûn.

Hin koçber derbasî herêmên din ên Sûriyeyê bûn û hin jî li herdu kampên Rûbar û Şehba ên kantona Efrînê hatin bicihkirin.

Desteya Karûbarên Civakî bi derfetên hindik destek û alîkariyê ji koçberan re pêşkêş dike, Rêxistinên Mirovahiyê jî ji bo pêşkêşkirina alîkariyan ji koçberan re bê dengin.