Li Akademiya Şehîd Feysel Ebû Leyla 6′emîn dewreya perwerdeyê ya bi navê ″Dewreya 15′ê sibatê″ ku bi beşdariya 110 ciwanên bajarê Minbicê û gundewarên wê destpêkiribû, bi dawî bû.

Di şahiya bidawîkirina dewreyê de Fermandarên QSD′ê û Meclîsa Leşkerî ya Minbicê, amade bûn. Şahî bi merasîmekî leşkerî ve destpê kir. Piştre Hevserokê Komîteya Parastinê ya bajarê Minbicê û gundewarên wê Ednan Ebû Emced axivî û bal kişand ser girîngiya parastina herêmê ya li dijî êrîşên artêşa Tirk a dagirker û komên çete, bang li ciwanên Minbicê kir ku beşdarî nava refên Meclîsa Leşkerî ya Minbicê bibin.

Piştre jî şervanan soza şopandina rêya cangoriyên azadiyê û parastina hemû pêkhateyên Bakurê Sûriyeyê dan.

Şahî bi gerandina govendê ve bi dawî bû.