Duh li Nisêbînê, li taxa Newrozê, du zarokan ku li hewşa mala xwe cismek dîtin. Ev cism di nava destê wan de teqiya, di encamê de Havîn Guneş duh jiyana xwe ji dest dabû îro jî birayê wê Fatîh Guneş jiyana xwe ji dest da.
Duh Havîn Guneş (3) û Fatîh Guneş (5) li Taxa Newrozê ya Nisêbînê ya Mêrdînê dema ku bi cismekî ku li hewşa xwe dîtin dilîstin ew cism di destê wan de teqiyabû û herdu zarok rakiribûn Nexweşxaneya Dewletê ya Mêrdînê.
Havîn li gel hemû mudaxeleyan duh jiyana xwe ji dest da, birayê wê Fatîh jî îro berê sibehê saet 04.00’an jiyana xwe ji dest da.
Diyar bû ku cenazeyên du zarokan îro wê li Goristana Mohris were veşartin.
