Rejîma Îranê, tevî hemû hişyariyan jî, êrîşên xwe yên li dijî kolberan didomîne. Berî du rojan li Kirmanşanê kolberekî din birîndar kir.

Li gorî agahiyên ji aliyê Rêxistina Mafên Mirovan a Rojhilatê Kurdistanê ve hate dayin, hêzên rejîmê roja Pêncşemê li herêma Qelaga ya li wîlayeta Kimanşanê êrîşî kolberan kirin û xwestin dest deynin ser malên wan.

Piştî ku kolberan li ber xwe dan û gelê herêmê hate cihê bûyerê, hêzên rejîmê li kolberan reşandin. Ji ber gulereşandinê, ciwanê bi navê Farzad Qadirî yê 25 salî ji lingê xwe birîndar bû û ew rakirin Nexweşxaneya Kirmanşanê.

Di vê navberê de, Rêxistina Mafên Mirovan a Rojhilatê Kurdistanê ragihand, ku ji kesên 4'ê Îlonê tevlî çalakiyên protestokirina kolberên li bajarê Banê hatin kuştin bûn û hatin binçavkirin, 4 jê hê girtî ne.