Navenda Ragihandinê ya YPG’ê bi daxuyaniyekî nivîskî nasnameya 5 şervanên YPG’ê yên ku di berxwedan Pêngava Xezeba Firatê ji bo rizgarkirina bajarê Reqayê ji destê çeteyên DAIŞ’ê û xilaskirina welatiyên sivîl jiyana xwe ji dest dabûn eşkere kir.

Navenda YPG’ê diyar kir ku ji bo rizgarkirina Reqayê ku Pêngava Xezeba Firatê hatibû destpêkirin di pêngava sêyemîn de şerê li dijî çeteyên DAIŞ’ê bi dijwarî didome. Çeteyên DAIŞ’ê ku li hember pêşveçûnên şervanên Pêngava Xezeba Firatê ku di nav de şervanên Yekîneyên Parastina Gel (YPG) û Yekîneyên Parastina Jin (YPJ) cih digre de, ketiye dorpêçê li hember pêşketinên şervanan êrîşên xwe berfirehtir dike.

YPG’ê di dewama daxuyaniya xwe de ev agahî da:

“Em îro nasnameya 5 şervanên xwe yên ku şehîd bûne eşkere dikin, ji van 3 hevalên me ku ji bo rizgarkirina sivîlên Reqayê yên di bin zilm û zordariya çeteyên DAIŞ’ê de dijiyan, li dijî çeteyan piştî şerê dijwar bi lehengî tevlî karwanên şehîdan bûne. Hevalê me Demhat ku di 3’ê Adarê de çeteyan êrîşî gundên herêmên başurê Şedadê kiribûn, birîndar bibû tevî hemû mûdexaleyan duh li nexweşxaneya Hesekê şehîd ketiye. Hevalê me Mazlûm li bajarokê Sirînê di encama qezayekî trafîkê de şehîd ketiye.

Em wek YPG û YPJ ji bo azadî û wekheviyê şervanên şehîd ketine bi rêzdarî bibîrtînin. Di Serî de ji malbatên şehîd û hemû gelên me re sersaxiyê dixwazin. Ji bo bilindkirina tekoşîna azadiyê soza ku me daye careke din nû dikin.”

AGAHIYÊN TÊKILDAÎR NASNAMEYAN

Nasnameya şervanên ku jiyana xwe ji dest dane wiha ne:

Navsav: Botan Reş

Nav û Paşnav: Ehmed Berkel

Navê Dayikê: Horî

Navê Bav: Faruk

Cihê Jidayikbûnê: Gundê Cibnê, Kobanê

Cih û Dîroka Şehadetê: Eyaleta Reqa / 15-03-2017 

***

Navsav: Demhat Gelhat

Nav û Paşnav: Malik Elofin

Navê Dayikê: Hesa

Navê Bav: Xanim

Cihê Jidayikbûnê: Hesekê

Cih û Dîroka Şehadetê: Nexweşxaneya Hesekê / 16-03-2017 

***

Navsav: Givara Hesekê

Nav û Paşnav: Osman Mellûh

Navê Dayikê: Afra

Navê Bav: Ferhan

Cihê Jidayikbûnê: Hesekê

Cih û Dîroka Şehadetê: Gundê Kas Hibal/ Reqa-15-03-2017 

***

Navsav: Hogir Şedadê

Nav û Paşnav: Macid Xilef

Navê Dayikê: Fatma

Navê Bav: Talap

Cihê Jidayikbûnê: Şedadê

Cih û Dîroka Şehadetê: Gundê Kas Hibal/ Reqa-15-03-2017 

***

Navsav: Mazlûm Afaruf

Nav û Paşnav: Macid Ehmed

Navê Dayikê: Hazîme

Navê Bav: Nuwiran

Cihê Jidayikbûnê: Kobanê

Cih û Dîroka Şehadetê: Sirîn / 16-03-2017