Li Rojhilatê Kurdistanê erd hejiya: Herî kêm 6 kes birîndar bûn
Di erdheja bi pileya 5.6 a li Xoy a Rojhilatê Kurdistanê pêk hatî de, bi kêmanî 6 kes birîndar bûn û ziyan gihişte hinek malan.
Li bajarê Xoy ê Rojhilatê Kurdistanê vê sibehê bi pileya 5.6 erdhej pêk hat.
Li gorî agahiyên hatin girtin di erdhejê de bi kêmanî 6 kes birîndar bûn û ziyan gihişte hinek malan. Ji ber erdhejê av û elektirîka gelek gunadan qut bûn. Hate ragihandin ku li Selmasê jî malek ya gundiyekê hilweşiyaye.
Erdhejê bandor li Tebrîz, Urmiye û derdora wê jî kir.
