Malbata Şenyaşar li Rihayê ji bo xizmên xwe yên hatine qetilkirin, ji sala 2018’ê û vir ve çalakiya Nobeta Edaletê dike. Du rojnamevanên ku Nobeta Edaletê dişopandin, hatin destgîrkirin.
Çalakiya Nobeta Edaletê ya malbata Şenyaşar ku xizmên wan ji aliyê xizm û parastvanê parlamenterê AKP’ê Îbrahîm Halîl Yildiz ve hatin qetilkirin, didome. Du rojnamevanên ku çalakî dişopandin hatin destgîrkirin.
Di roja 725’emîn a Nobeta Edaletê de, nûçegihana JINNEWS’ê Gulistan Dûrsûn û rojnamevanek din ku nav nehat zanîn, bi îdîaya ku 'kartên wan ên çapemeniyê sixte ne' hatin destgîrkirin.
