Dewleta Tirk hîn jî Sûrê xera dike
Li taxa Savaşê ya Sûrê ku beriya niha beşeke mezin hatibû xerakirin, berhemên dîrokî jî di nav de gelek avahî hatin hilweşandin.
Biryara Wezareta Hawirdor û Bajarvaniyê ya Tirk a li ser hilweşandina Sûrê, li herêmeke nû bi cih hate anîn.
Di çarçoveya biryarê de avahiyên navbera kolanên Demîrcîler û Deger ên taxa Savaşê beriya du hefteyan bi temamî hatin hilweşandin. Qada ji avahiyek, çend xaniyên ji kerpîçê û kargehên ku esnafên li herêmê weke depo bi kar dianîn, bi temamî hate xerakirin.
Hate ragihandin ku hin avahiyên dîrokî jî yên li herêmê hatin hilweşandin.
