Bi sedan welatiyên bajarê Hesekê bi armanca oxirkirina cenazeyên şervanên YPG‘ê Yasîn Hisên (Delîl Şedadê) û Hisên Fethî (Orkêş Hesekê) li ber avahiya Meclîsa Malbatên Şehîdan a bajarê Hesekê kom bûn.

Girseya gel cenazeyên herdu şervanan ji meclîsê wergirtin û bi kerwanekî ji wesayîtan ber bi gundê Dawidiyê ve birin.

Di merasîmê de li ser navê YPG‘ê, endamê Buroya Têkiliyên Giştî yê YPG‘ê Şêrewan Çaçan axivî û di kesayetiya herdu şehîdan de, hemû cangoriyên azadiyê bi bîr anî.

Di merasîmê de her wiha li ser navê Meclîsa Malbatên Şehîdan, Salih Fatimê jî axivî û got: “Gelê me riya azadiyê pejirandiye û wê tu carî vê riyê bernede. Şehîdên me şagirtinên Rêber Ocalan in, ji felsefeya rêbertiyê vexwarinê û wateya azadiyê nas kirine, bi vê yekê wê bê guman serkeftin a me be.”

Girseya gel, cenazeyên herdû şervanan li ser milê xwe kirin û cenaze bi dirûşmeyan hatin veşartin.