Berxwedana 'xwedîderketina li rûmetê' ya Şengaliyan dewam dike
Şengalî bi dirûşma "Xwedîderketina li rûmetê" 15 roj in li pêşiya Navenda Asayîşa Êzidxanê nobedê digire. Çalakî bi biryardarî dewam dike.
Li dijî lihevkirina Bexda-Hewlêrê ya li ser Şengalê, xelkê Şengalê ji 9'ê Cotmehê ve li ser piyan e.
Ji bo xwedîderketina li Asayîşa Êzidxanê jî li pêşiya Navenda Asayîşa Êzidxanê kon hatiye vedan.
Çalakî 15 roj in dewam dike.
Her roj ji navçe, bajarok û gundên Şengalê xelkê herêmê serdana konê berxwedanê dikin.
Şengalî bi biryar in ku heta asayîşa wan bi rengekî fermî bê qebûlkirin çalakî û berxwedana xwe dewam bikin.
