Şervanên Hêzên Sûriyeya Demokratîk (QSD), di çarçoveya Pêngava Bagera Cizîrê de, ku 9'ê Îlonê dest pê kir, bi pêş ve diçin.

Li baskê Mergedayê, şervanên QSD'ê bi 2 kîlometreyan ber bi rojavayê gundê Kobra ve çûn. Şerê li vî alî dewam dike.

Li Baskê Siwerê jî şervanên QSD'ê xwe gihandin pêşiya gundê Mewalih ê li bakurê rojava yê bajarokê Siwerê. Di vî şerî de 3 çete hatin ukştin, termê 2 çeteyan ketin destê şervanan. Her wiha şervanan çekek BKC, kalaşnîkovek tevlî rextê wê desteserkirin. Şerê li vir giran e.

Şervanên li baskê Cezratê jî gundên El-Sewa, Mişlak û Mihêmda yên li bakurê rojava yê Dêra Zorê rizgar kirin.

Şervanên QSD'ê yên li baskên Ebû Xeşeb û Cezratê duh bi şev gihîştin hev. Şervan her bi pêş ve diçin.