Çeteyên DAÎŞ’ê êriş birin ser gundekî Mexmûrê: 3 kuştî û 4 birîndar
Çeteyên DAÎŞ’ê êriş birin ser gundekî navçeya Mexmûrê kirin. Di encamê de 3 kes jiyana xwe ji dest dan û 4 kes birîndar bûn.
Hat ragihandin ku saetek beriya niha çeteyên DAÎŞ’ê êrişê gundê Xidircê yê girêdayî navçeya Mexmûr a girêdayî parêzgeha Mûsilê kirine. Li wir di encama bersivdayîna şêniyên gund de şer derketiye.
Di encama şerê derketî de 3 sivîl ku her 3 birayê hevdu ne jiyana xwe ji dest didin. Her wiha 4 kes jî birîndar dibin ku 2 ji wan pêşmergeyên PDK’ê ne.
Hêjayê gotinê ye ku herêma şer lê qewimî di bin serweriya hêzên PDK’ê de ye.
