Li bajarê Munihê ji aliyê Meclîsa Civaka Kurd ve şeva piştevaniya bi Rojava re hate lidarxistin.

Çalakî ji bo bîranîna şehîdan bi deqîqeyek rêzgirtinê destpê kir. Endamê Diwana KCDK-E Demîr Çelîk axivî û dagirkeriya Tirk şermezar kir.

Di çalakiyê de Hozan Diyar, Hozan Aydin, Deng û Veng, Koma Avaşîn û GerîllaSystem derketin ser dikê. Şeva piştgiriyê bi stran, govend û dirûşmeyan bidawî bû.

Li bajarê Kassel ê Elmanyayê jî bi heman armancê çalakiyek hate lidarxistin. Axaftina vekirinê ji aliyê Hevserokên NCDK’ê Îbrahîm Şen û Leyla Saruxan ve hate kirin. Di çalakiyê de koma koro ya zarokan a Rojê derket dikê.

Rêveberê FED-DEM’ê Xoşnav Ata axivî û wiha got; “Hewldana dagirkirina Rojava ya faşîzma Tirk didome, cîhan jî bêdeng e.”

Şeva piştgiriyê bi stran û govendê dewam kir.