Ciwanan li Parîsê daxwaza azadiya Ocalan kirin

Endamên TCŞ’ê li bonliya Vîllîers Le Belê daxwaza azadiya Rêberê Gelê Kurd Abdullah Ocalan kirin û êrîşên dewleta Tirk a dagirker a bi çekên kîmyewî ya li ser gerîlayên HPG’ê protesto kirin.

Bi pêşengtiya aktivîstên Tevgera Ciwanên Şoreşger (TCŞ) li bonliya Vîllîeres Le Bel a paytexta Fransa Parîsê çalakiyek hate kirin.

Ciwanan bi daxwaza azadiya fîzîkî ya Rêberê Gelê Kurd Abdullah Ocalan li bonliya Vîllîeres Le Belê bi qasî 15 deqeyan rê li trafîkê girtin, êrîşên dewleta Tirk a dagirker a bi çekên kîmyewî ya li ser gerîla protesto kirin.

Ciwanan anî ziman ku heta azadiya Ocalan wê li qadan bin û belavok belav kirin.