Jeremy Hûnd li Londonê ji çapemeniyê re axivî û got, di têkilî û ragihandina bi welatên hevalbend re ew hewl didin xetên telefonê yên bi ewle bi kar bînin.

Hûnt diyar kir, 9'ê Tîrmehê dema ku wî dest bi wezîfeyê kir, tenê bi DYA, Kanada, Awûstralya û Zelanda nû re xetên ewle yên telefonê hebûn. Hûnt got, bi biryara wî re êdî bi Japonya, Elmanya û Fransayê re jî axaftinên dîplomatîk bi xetên ewle hatin kirin.

Wezîrê Karên Derve yê Brîtanyayê bal kişand ser pêşketina teknolojiyê û bi taybetî axaftina bi rêya Whatsappê ya dîplomatan bi bîr xist. Hûnt diyar kir ku ev rewş wî dixe nava 'tirs û fikaran' û got, ew li dijî têkilî û ragihandina bi rêya mesajan e.

Hûnt got, pêwîste hin axaftin teqez li ser xeta ewle bên kirin.