Lêpirsînerên polîsên edlî yên Parîsê bûyereke balkêş a diziyê aşkera kirin.

Li gorî nûçeya  rojnameya Le Parisien, dawiya meha Çileyê li paytext Parîsê di avahiya şîrketekê de xelata Oscar û pênûsek hatine dizîn.

Lê ne xelateke ewqas hêsan e. Xelateke 30 santîmetre mezin e û 24 eyarên wê hene û ya derhêner û aktorê navdar  Charlie Chaplin e.

Xelata Rûmetê ya Oscarê ya sala 1929’ê dabûn îkonê sînemaya bêdeng Charlie Chaplin ê Îngîlîz.

Çavkaniyeke nêzî lêpirsînê ragihand ku nirxê xelatê zêdetirî mîlyoneke Euro ye. Hate zanîn ku pênûsa hatiye dizîn jî ya Charlie Chaplin e û nirxê wê 80 hezar Euro ye.