Navenda Ragihandin û Çapemeniyê ya HPG'ê der barê çalakiyên gerîla û êrîşên artêşa Tirk de daxuyaniyeke nivîskî weşand.

Di daxuyaniyê de hat gotin, "Roja 8'ê Sibatê saet di 22:00 de yekîneyeke me ya gerîla bi roketan li hemberî balafirgeha leşkerî ya Êlihê çalakiyek pêk anîn. Çar roket li balafirgehê ketin û di encamê liv û tevgera li balafirgehê sekinî. 

10'ê Sibatê saet di navbera 17:00-20:00 de hêzên me yên gerîla rêya navbera Amed-Çewlikê kontrol kirin. Li vê derê bi sedan wesayît hatin sekinandin, nasname hatin kontrolkirin û der barê pêvajoyê de agahî hatin dayîn. Her wiha wesayîteke şîrketa kargo ya taybet a ji bo AKP'ê dixebite, tevî malzemeyên tê de hat desteserkirin û şewitandin."

OPERASYONA LI BESTA BÊ ENCAM MA Û BI DAWÎ BÛ

HPG'ê der barê operasyona li Besta de ev agahî da: "10'ê Sibatê saet di 06:00 de, li qadên Omyanis û Mêrgumarê yên li herêma Besta ya Şirnexê operasyonek hat destpêkirin. Ev operasyon di heman rojê de bi awayekî bêencammayî saet di 19:00 de bi dawî bûye.

LI HEMBERÎ METÎNA Û XAKURKÊ ÊRÎŞA HEWAYÎ

Di dewama daxuyaniya HPG'ê de ev agahî hatin dayîn:

"Roja 10'ê Sibatê saet di navbera 09:30-11:00 de balafirên şer; qada Ermûş, Dola Mistefa û derdora Şehîgeha Şehîd Bêrîtan ên li herêma Xakurkê, saet di navbera 09:30-10:30 de derdora gundê Kestê yê Metîna bombe kirin. Di encama bomberdûmanê de gelek malên li gundêr Kestê zerar dîtine.

TEVGERA BALAFIRÊN ŞER Û KEŞFÊ DEWAM DIKE

10'ê Sibatê saet di navbera 07:30-14:30, 16:00-18:30 û 11'ê Sibatê saet di navbera 03:00-04:30 de li herêma Xakurkê, ji saet 21:30 ê 10'ê Sibatê heta saet 02:00 ê 11'ê Sibatê li herêma Garê, ji saet 09:00 ê 10'ê Sibatê heta saet 10:00 ê 11'ê Sibatê li herêma Zapê balafirên keşfê yên bêmirov geriyan.

10'ê Sibatê saet di navbera 10:00-12:00 de li herêmên Qendîl û Garê, ji saet 20:30 heta ber destê sibeha 11'ê Sibatê, balafirên şer li ser herêma Zapê geriyan.

ÊRÎŞA BI OBUS Û HAWANAN

10'ê Sibatê saet di navbera 14:00-15:00 de qereqola Tepê Ortê ya li Çelê bi obus, hawan û çekên giran derdora xwe bomberdûman kir."