Li bajarê Milano yê Îtalyayê li ser banga Tora Piştevaniya Kurdistanê (Rete Kurdistan Italia) û Komîteya Kurd a Îtalya, li dijî êrîşên dewleta Tirk a dagirker ên li ser Başûrê Kurdistanê bi dirûşmeya “Li dijî dagirkeriyê Kurdistanê biparêz e” mîtîng hate lidarxistin. Mîtîng li ber avahiya Konsolxaneya Tirk a Milano hate lidarxistin. Bi sedan Kurdistanî û nûnerên saziyên Îtalyayê tevlî mîtîngê bû. Di mîtînê de alên Rêberê Gelê Kurd Abdullah Ocalan, PKK û pankartên “Kurdistanê biparêz e” û “Li Kurdistanê ji şer û dagirkeriyê re na” hatin hildan.

Di mîtîngê de dewleta Tirk a dagirker hate tehşîrkirin û bêdengiya welatên Ewropa ya li hemberî dagirkerî û qetlîaman hate şermezarkirin.

Di mîtîngê de banga xurkirina piştevaniya bi gelê Kurd re hate kirin. Mîtîn bi dirûşmeyên “Faşît Tirkiye”, “Dîktator Erdogan”, “Bijî Kurdistan”, “Ji Abdullah Ocalan re azadî” û “Jin, jiyan, Azadî” bi dawî bû.